Erlojuak 12 kanpaiak markatzen ditu. Gaueko hamabiak dira eta hauek izango dira amaitzear dagoen urtearen azken dangak. Tradizioak hainbat erritu jasotzen ditu urte berria ongi hasteko. Gehienek kolore gorriko barruko arropak jantziko dituzte, hamabi mahatsak jango ditu eta xanpainarekin eta kopan urrezko eraztun bat murgilduta topa egingo du. Dena den, gau honetan beste erritu berezi batzuk ere ospatzen dira. Italian adibidez dilistak jaten dira eta Ekuadorren amaitzen den epearen gauza txar guztiak irudikatzen dituen panpina bat erretzen da eta nork bere testamentua irakurtzen du.
Eta gurean, Iruñean, Urte Berria pertsonaia ezberdinez mozorrotuta jasotzen da. "Erreinuaren" hiriburuan inauteriak aurreratzeko moda hau berria da eta herri ekimenez sortu zen. Jarraitzaile ugari ditu. Animaliek, frutek, maitagarriek, iratxoek, printzeek, indioek, banpiroek eta gaur egungo pertsonaiek kaleak hartzen dituzte eta parekorik ez duen jai giroan murgiltzen dira. Inposatuta dagoen betebehar bakarra ongi pasatzea eta urte berriari hasiera ematen zaiola ospatzea da.
