Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Mapa eta bilatzea

Elizondo

Herriak

Multimedia

Elizondo - Elizondo
icono pie de fotoElizondo
Elizondo - Elizondo
icono pie de fotoElizondo
Elizondo - Iglesia de Santiago
icono pie de fotoIglesia de Santiago
Elizondo - Baztandarren Biltzarra
icono pie de fotoBaztandarren Biltzarra
Argazki guztiak ikusi

Eguraldia
Elizondo
Elizondo Baztango herri nagusia da eta harrituko zaitu benetan bere jauretxe eta jauregi ugariengatik.

Naturak bere edertasuna agertzen duen inguruan kokatua, Elizondori darion animazioa nahiz algara dela eta, baztandarrek herri hau aukeratu dute azokak eta merkatuak egiteko.

Ohiturarik errotuenetakoa "Baztandarren Biltzarra" da, hots, Baztango herri guztiak biltzen dituen jaia, dantzaz eta desfile koloretsuz beterik.

Elizondo Baztango erdi-erdian dago eta, aldi berean, ibarreko gune nagusia da. Nafarroako iparraldean kokatua, hamabost herriz osaturiko udalerria da, Pirinio atlantikoaren mendi bazter zoragarri eta berdeetan barreiatuak. Baztan ibaiak zatitzen duen herri honek klima atlantiko leuna eta hezea du.

Horma zuriak, eta ate, leiho eta izkinetako silarri gorrixkak dira bere herri arkitekturaren ezaugarriak. Harri gorri hori hurbil dauden Almandozko harrobietatik dator. Gainerakoan, teilatuak bi isurialdekoak dira, zurezko balkoi luzeak dituzte azken solairuan eta ibarreko armarria agerian dago.

Elizondoko auzo zaharrean jauretxe eta jauregi aunitz daude, Jaime Urrutia eta Braulio Iriarte karriken artean, hain zuzen. Etxe horietako gehienen jabeak Ameriketara lan egitera joan ziren eta itzuli zirenean eraiki zituzten, itsasoz bestaldean pilatutako aberastasunen erakusgarri.

Eraikinik nabarmenetako bat Arizkunenea jauregi barrokoa da. Kondearen jauregia edo Gobernadoreena ere esaten zaio. Arizkungo Migelek eraikiarazi zuen 1730ean, hots, errege Felipe V.aren zerbitzari garrantzitsua izan zenak. U formako antolaera du eta estilo barrokoko fatxadak gogora ekartzen dizkigu garai hartako Frantziako jauregiak. Bi gorputz irten ditu, biak soilak, eta fatxada nabarmentzen da eraikinaren apaingarri guztiak biltzen dituelako. Frontoi baten bidez azkendua dago, eta armarri ikusgarri bat da buru. Armarriaren orla oso apaindua dago lehoiekin, haur eusleekin, orbelarekin, oparotasunaren adarrekin eta markes koroarekin. Fatxadaren aitzinean patio bat dago, 1740. urteko burdinsare batetik sartzen dena.

Lehen karlistaldian, jende ospetsuak hartu zuen ostatu jauregi honetan, esate baterako, Espainiako erregegai Karlos Borboikoak, eta Zumalakarregi eta Espoz y Mina jeneralek. Ibilbidean aurrera egin baino lehen, gomendatzen dizugu Arizkunenea etxearen atzealdera joateko. Erreka eta bere zubiak ederki ikusiko dituzu.

Jauregi honetatik hurbil udaletxea dago, XVIII. mendeko eraikuntza arkupeduna. Barnealdean, oraindik gordea dago Baztango bandera zaharra, Navas de Tolosako batailan (1212an) airean erabili omen zutena. Datue jauregia eta erregeordearen etxea ere herriko eraikin zibilik adierazgarrienetakoak dira.

Arkitektura erlijiosoari dagokionez, Santiago eliza da eraikinik adierazgarriena. XX. mendeko lehen hamarkadetan eraikia, bere fatxada handia nabarmendu beharra dago eta alde banatan dauden estilo barrokoko bi dorreak era bai. Halaber, interesgarriak dira San Pedro eta Santa Engrazia baselizak.

Herri jaiak, gastronomia eta kirola

Baztandarrak jende animatuak dira eta, horrek eraginik, Elizondo toki ezin hobea da jaiak eta azienda feriak egiteko. Uztailaren bukaeran "Baztandarren Biltzarra " ospatzen da eta jai horrek Baztango hamabost herriak biltzen ditu. Hamaika ekitaldi egiten dira egun osoan eta, horien artean, orga apainduen desfilea, bai eta ohiko mutildantzak ere, azken horiek Udaletxeko plazan. Hitzordu interesgarria ere izaten da Pazko asteko ostiralean egiten den azoka, aziendaren, nekazaritzako elikagaien eta artisauen bilgunea, alegia.

Lurralde honetako gastronomia ere nabarmendu behar da. Platerik tipikoena "txuri ta beltza" da, hau da, bildoski tripekin egindako gisatua. Gozoki zalea bazara, Elizondoko gozo-dendetan hur osoekin egindako txokolate goxo-goxoa erosteko aukera izanen duzu.

Kokapena

Nola iritsi eta mugitu

Salir de Pamplona por la carretera a Burlada y continuar por Villava/Atarrabia dirección Francia por la N-121A hasta Oieregi. En esta localidad, enlazar con la N-121B que cruza el valle de Baztan.

Bisita gidatua

Deskripzioa:

  • Visitas guiadas "Trilogía del Baztan": se visitan distintos escenarios del pueblo donde transcurre la famosa trilogía de Dolores Redondo.
  • Visitas guiadas con "Baztan Tours": se recorren los lugares más destacados de la localidad, contando la historia del lugar, así como las tradiciones y costumbres.
  • Visitas guiadas por los escenarios de la película El Guardian invisible.

Bisitaren prezioa:

  • Trilogía del Baztan: 10€ ruta corta, 12€ ruta completa.
  • Baztan Tours: 5€
  • Película el Guardián invisible: 6€

Enpresa kudeatzailea:

  • Trilogía del Baztan: 670 336 232
  • Baztan Tours: 948 452 652 / 628 019 893
  • Película El Guardián invisible: 652 162 103.

Zerbitzuak

  • Aire zabaleko kirol esparrua
  • Askaldegi
  • Bankua
  • Bisita gidatuak
  • Botika
  • Diskoteka
  • Esparru termoludikoa
  • Gasolindegia
  • Haur-parkea
  • Igerilekua
  • Interneta
  • Jatetxe / kafetegiak
  • Kiroldegia
  • Kutxazain automatikoa
  • Osasun-etxea
  • Osasun-zerbitzua
  • Ostatu
  • Pilotalekua
  • Saltoki-gunea
  • Supermerkatua / denda
  • Taberna
  • Turismo bulegoa

Wifi gunea: servicio gratuito en la biblioteca.

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa