Aviso Aviso
Koronabirusari aurre egiteko pixkanaka hartzen ari diren neurriak direla eta, programatutako ekintza eta jarduera asko aldatu edo bertan behera uzten ari dira. Beraz, atarian argitaratutako edozein eduki egiaztatzea gomendatzen dugu.
KoronabirusaNafarroa-ri buruzko azken berriak jarrai ditzakezu web atari honetan: http://koronabirusa.nafarroa.eus
Mapa eta bilatzea

Zangoza / Sangüesa

Camino de Santiago
Herriak

Multimedia

Zangoza / Sangüesa - Sangüesa
icono pie de fotoSangüesa
Zangoza / Sangüesa - Río Aragón
icono pie de fotoRío Aragón
Zangoza / Sangüesa - Portada Sta. María
icono pie de fotoPortada Sta. María
Zangoza / Sangüesa - Detalle portada
icono pie de fotoDetalle portada
Argazki guztiak ikusi

Eguraldia

¿QUIERES HACER UNA VISITA GUIADA?

Consulta aquí los horarios y los tipos de visitas.

Sangüesa
Mugaldeko hiria, Donejakueri lotua, monumentala, Zangoza aldi berean da Mendialdea eta Erribera, bere osoan ikusteko hiria, gustura bizitzeko hiria, alegia.

Iruñetik 44 kilometrora kokatua -eta 5.000 bizilagun pasatxo-, Donejakue bideak ospea eman dio Nafarroako ekialdean dagoen Erdialdeko hiri garrantzitsuenari eta arkitekturako bitxi preziatu batek ere bai: Andre Mariaren elizako atariak, erromanikoaren gailurra eta monumentu nazionala baita.

Eraikin zibil, eliza eta komentu interesgarriek garai bateko distira ekartzen digute gogora eta, alde horretatik, bere tradizioei lotuta bizi den hiria agerraraziko digute. Hemen egiten da urtero, urtarrilaren 6an, Errege Magoen Auto Sakramentala, Espainian mantendu diren bostetako bat.

Ibili Zangozako "rua" zaharretan eta pausatu begirada bere eraikin ederretan; parte hartu Erdi Aroko bere tradizioetan eta dastatu potxak, hemengo babarrun ezagunak, alegia.

Pirinioetako lehen mendietatik Ebro Ibarraren sakonunera bidean, Aragoi ibaiaren ertzean eta altuera gutxiko terraza baten gainean, hantxe eraikia dago Zangoza. Zehazki, Nafarroako Erdialdean dago, Iruñetik 44 kilometrora.

Hasierako hiria haitz baten gainean egon zen -gaur egungo Rocaforte- eta muga izan zen musulmanen aurrerapenen aurrean. Baina Donejakue bideak eraginik, beheko lautadan Zangoza Berria sortu zen XII. mendean eta, handik gutxira, Somport aldetik zetorren Donejakue bideko herri garrantzitsua izatera pasa zen.

Ekonomian eta gizartean zegoen oparotasunak bultzaturik, Erdi Aroan merkatari, erromes eta artista asko joan zen Zangozara eta, garai distiratsuaren erakusgarri, hortxe dago historiaren eta artearen aldetik duen ondare aberatsa.

Zangozan sartzeko, Aragoi gainean dagoen metalezko zubia gurutzatu behar da. Ibaia gainditu ondoren, hiriko altxorrik preziatuena aurkituko duzu, aldi eta alde orotako erromanikoaren gailurretako bat: Andre Mariaren eliza. Atariaren gai nagusia azken judizioa da, baina Itun Zaharreko eta Berriko pasarteak ere ageri dira, bai eta munstroak, elezaharrak eta Erdi Aroko gizartearen estamentuak ere. Tenplua 1889an deklaratu zuten monumentu nazionala, eta XII. mendetik XIV.era eraiki zen.

Alde historikoan zabiltzala, monumentuz betetako hiria aurkituko duzu. Esate baterako, karrika Nagusian adibide ederrak topatuko dituzu: Añues jauregia (XV), Iñiguez-Abarka jauregia (XVIII), Udaletxea (1570) -arkupe ederra duena-, Paris Iñigez Abarkaren etxea eta Sebastianen etxea.

Karrika Nagusitik aurrera Alfontso Borrokalariaren kalea dago eta, hantxe, Vallesantoro jauregia -egungo Kultur Etxea-, Nafarroako teilatu-hegalik ikusgarrienetakoa duena; San Salbatore eliza (XIV), Iñiguez-Medranotarren etxea eta bere sarrera barrokoa; eta Carmen komentua (XV) eta bere klaustroa (XIII).

Zure ibilian, beste harribitxirik ere aurkituko duzu arte kontuetan: Santiago eliza (erromanikoa eta gotikoa), San Frantzisko Asiskoaren komentua (XIII) edo Vianako printzeak jauregia. Horrek gogora ekartzen digu Zangoza Nafarroako Errege-erreginen gortea izan zeneko garaia. Denboraz ongi bazabiltza, bisitatu San Adrian de Vadoluengoko eliza erromanikoa, herritik kilometro eta erdira, Sos del Rey Catolicora bidean.

Hiriak, gainera, paraje ederrak ditu paseoan ibiltzeko, esaterako, "Entrambasaguas" esaten zaiona, hots, Irati eta Aragoi ibaien elkargunea.

Zangoza ere oparoa da tradizioetan. Herriko festak irailaren 11tik 17ra egiten dira eta, besteak beste, azienda feria eta zezen entzierroak egiten dira. Urtarrilaren 6an, Erregeen Auto Sakramentalak magoen etorrera irudikatzen du, Jesus Haurra gurtzeko. Zangozar askok parte hartzen dute eta Espainian egiten diren era horretako bost antzezpenetako bat da Zangozakoa.

Uda oro, Zangozan Cultur programaren kontzertuak eta ekitaldiak egiten dira.

Hirian ere bada zer jan, Nafarroako sukaldaritza tradizionalaren adibide ezin hobea baita: potxa babarrunak eta gozogintzako gozoki batzuk: Santuen hezurrak eta San Joseren txirbilak.

Gainera, eskualde osoan naturari loturiko kirolak egin daitezke: parapentea, delta hegala, hipika eta piraguismoa.

Ba al zenekien...?

Nafarroako Interes Turistiko Jaia:

. Errege Magoen Auto Sakramentala

Kokapena

Nola iritsi eta mugitu

salir de Pamplona por la AP-15 dirección Imarcoain hasta la salida 82 hacia Noain/Sangüesa/Huesca que enlaza con la A-21. Continuar por la autovía hasta tomar la salida "Sangüesa/Liédena". En la rotonda de Liédena tomar la NA-127 dirección Sangüesa.

Zerbitzuak

  • Aire zabaleko kirol esparrua
  • Antzerkia
  • Askaldegi
  • Bainu esparrua
  • Bankua
  • Bisita gidatuak
  • Botika
  • Esparru termoludikoa
  • Gasolindegia
  • Haur-parkea
  • Igerilekua
  • Interneta
  • Jatetxe / kafetegiak
  • Kiroldegia
  • Kutxazain automatikoa
  • Osasun-etxea
  • Osasun-zerbitzua
  • Ostatu
  • Pilotalekua
  • Supermerkatua / denda
  • Taberna
  • Turismo bulegoa
  • Zinema

Wifi gunea: en la Biblioteca pública (948871417) y en la Casa de Cultura (948870251)

Oharrak

Ordenadores con conexión a internet de uso gratuito. Necesario reservar.

Oharrak

El mercado semanal se celebra los viernes.

Ordutegi, data eta prezio orientagarriak. Entitate arduradunarekin baieztatzea aholkatzen da

Inprimatzeko fitxa

Informazio praktikoa