Parapentea eta delta hegala
Eguraldia lagun, kirol honetan aritzea delarik, mendietako maldan aireko kirolzaleak ikusten dira haizearen besoetan gora, Nafarroako zerua kolore anitzez margotzen duten artean. Izan ere, hodeien artean eta abentura bidaide, Nafarroako txoko bereziez gozatzeko aukera ona izaten ahal da hau...
Parapentez eta delta hegalez hegal egitea eskarmentu handiko pilotuentzako egokia den arren, hastapen ikastaroak egiten ahal dira. Bestalde, gorputza zirrara izugarriz astindu nahi baduzu, tandemean hegaldi bakarra egiteko aukera duzu, espezialista batez lagundurik.
Nafarroako iparraldean jauzi egiteko gune batzuk dauden arren, erabilienak Erdialdekoak dira. Besteak beste, ondokoak nabarmenduko ditugu:
- Belagua ibarra: Nafarroako ipar-ekialdeko muturrean dago, Pirinioen bihotzean sarturik.
- Etxauri: bertako horma bertikal izugarrietan ere eskalada egiten da.
- Eloko Higa
- Erreniega mendia: sorgailu eolikoekin kontu handiz ibili behar da
- Aralar mendia
- Leire: bertako gailurra, Arangoiti izenekoa, mendebaldeko Pirinioetan hegal egiteko lekurik egokiena denez, txapelketa anitz egiten dira mendi horretako magaletan. Are erakargarriagoa da oraindik, hegaldian bertako putreak kide izaten ahal ditugulako anitzetan. Mendiko hegoaldean hasten da hegaldia. Udan hegaldi termikoa egiten ahal den arren, iparrak gogor jotzen duenean leku arriskutsua da.
Informazio erabilgarria
