Nafarroako erresuma. Lur anitza

Nafarroako Interes Turistikoko Festa izendatua, abuztuaren azkeneko asteburuan, Artaxoa, Erdi Aroko herri honek bere karrikak eskaintzen ditu aspaldi jasan behar izan zituen gorabeherak berriz ere gogora ekartzeko.

Herritarren partehartzea ezinbestekoa da, garaiko jantziak jarrita, haiek baitira garrantzi historikoa zein legendarioa duten pertsonaiei bizia emanen dietenak. Ikusleak ere, jakina, garai hartantxe murgilduko dira.
Irudikatzen diren gertakizunen artean, berebiziko garrantzia du Zerko famatuaren menderatzeak, agramondarren eta beaumondarren arteko borrokaren ondorioz gertatu zena. Erresuma zaharra bitan zatitu zuten bi familiak ziren haiek.

Ekitaldi ugarik eramanen dute bisitaria "historiarekin hitzordu" bat izatera, gerlarien eta zaldunen desfileen bidez, Erdi Aroko azokaren bidez, edota, beharbada, Zaldun Gudu Handiaren zein esgrima-tailerraren bitartez.