Nafarroako erresuma. Lur anitza

Gustatuko al litzaizuke antzokiko besaulki arruntaz ahaztu eta oihan erdian kontzertuaz gozatzea?; upeltegian ardo ona dastatu bidenabar hari-laukote baten soinua entzutea?; monasterio zahar bateko kantu gregorianoak entzunda hunkitzea?. Amets horiek, uda oro, bete egiten dira Nafarroan, Cultur programari esker. Ekimena uztailaren azkenean eta abuztu osoan egiten da naturaz eta ondarez jantzitako leku ederretan. Programaren barnean badira era askotako emanaldi eta arte erakustaldiak, bai eta Nafarroako ohiturak ere, hala nola, musika klasikoko kontzertuak, kantu gregorianoak, dantzak eta herri kirolak, betiere oihan, monasterio, eliza eta upeltegietan, den-denak dohainik eta zure gozamenerako. Hartu egitaraua turismo bulegoetan eta, prest egon sentitu eta gozatzeko.

"Cultur: Nafarroa, turismoa eta kultura" kultura hedatzeko programa da eta Foru Komunitatea bisitatzen duten turista eta txangozaleei zuzendua dago. Ekimen horren bidez, bisitariak aukera izanen du Nafarroako artearen eta kulturaren adierazpen saioak ikusteko, betiere ondarez eta naturaz ederki jantzitako lekuetan. Kultura eta Turismo Departamentua/Vianako Printzea Erakundeak antolatutako program ... [+ info]