Nafarroako erresuma. Lur anitza

Otsagabia herri bitxia Nafarroako ekialdeko Pirinioen erdi-erdian dago, eta bertako Naturaren Interpretazio Zentroa Turismo Bulegoaren ondoan kokatzen da. Leku ezin hobea da Zaraitzu ibarreko natura eta bizitza, bertako ekosistemen kontserbazioa eta, bereziki, Iratiko oihan harrigarria, Europako pago eta izeiez osatutako oihanik eder eta birjinenetako bat, sakonki ezagutzeko.

Interpretazio Zentroak ondo bereizitako hiru solairu ditu. Haietan, panel, maketa, bideo eta jolas elkarreragileen bidez, eduki hauek lantzen dira:

Beheko solairua. Harreralekua eta ibarreko dokumentazio turistiko eta ingurumenezkoa, web agiri, liburu, aldizkari eta bideoen bidez. Gunea harkaitz batek (lurraldean aurki daitezkeen hegaztiekin), Nafarroako Pirinioetako maketa batek (intereseko lekuak adierazten dira bertan, eskalan) eta ordenagailu batek (material elkarreragilearekin) osatzen dute.

Lehenengo solairua. Tokiko geologia, fauna eta florari buruzko informazioa. Ugatzean eta Iratiko oihanean arreta berezia jartzen da, eremuko balore apartak baitira.

Bigarren solairua. Zaraitzu ibarreko tresna eta lanabes tradizionalez osatutako erakusketa etnografikoa, bai eta Iratiko oihanari buruzko ikus-entzunezko bat ere.